"HERIN'NY FITIAVANA VE SA ODY FITIA?"

-Tsy tia ahy kosa anga Sarika?
-Tena tiko ianao ry Faby, tsy mbola nitia olona aho ary tsy mieritreritra hitia hafa-tsy ianao,saingy...
-Saingy ahoana ry Sariaka ?
-Raha firaisana irery no eritreretinao fa fanehom-pitiavana eo @ mpifankatia dia hisampana eto ny diantsika,eny fa na dia hamela ratra @ andro hiainako rehetra izany!
-Eo koa ranga ianao a,tsy ampahafirin'izay vehivavy tsara sy manja eto an-tanana no miseho mamilafila.Sady lasa nirintona i Faby.
-Tsy nahateny, tsy nhetsika teo @ toerany i Sarika fa ny ranomaso no nikorina nanaraka ny takolany,rotika ny fony;voalohany nohon'ny eso natain'i Faby, faharoa voatery hamono ilay afom-pitiavana miredareda ao anatiny izy.
Mpifankatia i Dokotera Fabrice(Faby) sy sariaka, tao Marovoay ny tantara niseho,tantara tena nisy fa novana kely mba hahakanto azy sy ho fanajana ny tsiambaratelon'olona.
Avy any Analalava faritra Sofia no fiavian'i Dr Fabrice;notazaina tao anatin'ny fahantrana ny tenany.Mpanjono an-dranomasina no asan-drainy ary mpivarota izay trondro azo no asan-dreniny.Mbola niaina toy ny olona rehetra izy ireo tamin'izany,indrisy anefa ny aina tsy mifametra,vao 12 taona monja i Faby dia maty ny rainy,i Ramatoa Leonie irery sisa no namelona ireto telolahy kamboty ray.I Faby no zandriny indindra, 14 taona i Fabio ary 17 taona i Fabien zokiny indindra t@ fotoana nahafaty ny rainy, samy mbola nianatra izy ireo tamin'izany.Niova tokoa ny fiainan'izy ireo tamin'zany,saika niala hianatra i Fabien mba hanampy ny reniny hamelona ireto zandriny saingy tsy nety i Leonie,mbola mianatra hono ny zon'ny ankizy.Manenjika ireny mpanjono avy nanarato eny @ sisin-dranomasina miantoka trondro dia avy eo manenjika mivarotra eny an-tsena, izay no naelomany ireo zanany telo.Tsy nitandro hasasarana fa tsy maintsy mandeha na mazoto na malaina, ny Alahady tokana no fitsaharany sady manompo an'Andriamanitra
Afaka Bacc i Fabien fony izy feno 19 taona,voatery nijanona t@ fianarana izy fa tsy afaka nanohy fianarana teny @ Anjerimanontolo na dia nofinofiny izany fony fahazaza;nanampy ny reniny nanangona trondro teny @ mpanarato no nataony.Nanomboka mba nihatsaratsara ny fiainan'izy ireo, satria mba maromaro ny trondro azon'izy mianaka dia mitombo ihany koa ny tombom-barotra.Herintaona dia nandeha tsara ny tsenan'izy mianaka,i Faby sy Fabio koa nilofo tamin'ny fianarany fatratra.Nandritra iny taona iray nanampiany an-dreniny nitady vola iny anefa dia tsy nipetra-potsiny i Fabien fa nikarakara "dossiers" tamin'izay "concours" na "recrutement" hidirana @ fanjakana izay henony.Nataony daholo ny "concours"-na zandary,pôlisy,penitentiaire,nametraka dossiers t@ "recrutement" fandraisana ho "élève-maitre" koa izy.Ity farany no naha-voaray azy ka nandao an'Analalava izy hiazo an'Antsohihy hanao ny fihofanana roa taona tao @ "Ecole normale niveau 1".Niverina i Ramatoa Leonie irery indray no nitady vola, nahatsiaro sambatra anefa izy na mafy taminy izany,fa afaka roa taona dia ho mpiasam-panjakana ilay lahimatoany.
Nikisaka mormora teny ny andro sy ny alina ka tonga volana,ny volana maromaro tonga taona;tapitra ny roa taona, vita ny fianaran'i Fabien ,nivohaka mpampianatra @ ambaratonga voalihany izy.Tao Befandriana Avaratra no voatedry hiasa izy.Tetsy ankilany kosa dia afaka bacc i Fabio ka nisafidy ny hanampy an-dreniny hivarotra trondro izy.Nabomboka maivamaivana i Ramatoa Leonie, i Fabrice irery sisa no mianatra,nandeha tsara ny varotra trondron'izy mianaka, ny fanampiana isam-bolana ataon'i Fabien manginy fotsiny.Taty aoriana kely aza dia tsy nitady ireo mpanarato teny an-tsidin-drano intsony izy ireo fa ety an-tanana ihany izy ireo no mandray ny vokatra avy eo mivarotra @ mpanjifa izany hoe lasa mpamingady izy mianaka.Nandeha teny ary ny fotoana afaka bacc soa aman-tsara i Faby teo @ faha 18 taonany,sokajy D;nilaza taminy ary ireo zokiny sy reniny fa afaka misafidy ny lalam-pihofanana tiany atao izy satria izy sisa no mianatra, fa izy telo mianaka hanao izy tratry ny heriny @ fanosehana azy.Raikitra ary fa ny sampam-pihofanana "medecine" no harahiny.Tao @ oniverisiten'i Mahajanga no nandratoany ny fianarany.Niharitra ny mafy tokoa i Faby vao nahavita ny fianarany,teo moa nohon'ny hamafisan'ny fianarana,teo ihany koa nohon'ny tsy fahampiana.Na dia nilokaloka ny hanohana azy ireto rahalahiny dia tsy hafa-nanoatra rehefa nanambady.Nanomboka nihena ny vola fanampian'izy ireo ny zandriny, misy ary tsy mandefa mihintsy izy ireo ao anatin'ny 1 volana fa sahirana ihany koa hono izy.Tsy homena tsiny anefa izy ireo fa rehefa manambady dia tsy ny sitraponao irery intsony no atao fa mila marimaritra iraisana.I mama ilay hany tsy mba mitarain-tana-miempaka sisa no nizaka ny tsy eran'ny ainy nanomboka teo @ taona fahadimin'ny fianaran'i Faby.Misy fotoana tara na kely ny vola alefan'i mamany dia namana no mihantra manome sakafo azy.Tsy nahakivy an'i Faby izany fa vonona ny hiari-pery ny lehilahy.
Feno 27 taona i Faby no nivoaka ho Dokotera;vao vita ny "thèse"-ny dia niasa t@ "clinique" iray tao Mahajanga izy niandry ny fanendren'ny fanjakana azy.Feno taona iray sy tapany no niasana tao dia voatendry hitazona CSB2 iray tany Bealanana izy avy eo.Nanomboka nilamina ny fiainany.Tsy mbola nieritreritra ny hanambady mihintsy ny tovolahy fa hampiadana an-dreniny aloha hono mba ho valimbabena sady mbola maro ny tanjony ka mety tsy ho tanteraka raha manambady izy toy ny zava-niseho t@ ireo zokiny.Sady mbola tsy nahita fiainana koa izy raha teo @ lafiny fitiavana fa variana t@ fianarana ka naleony aloha nijanonana tamin'ny sipasipa fotsiny fa tsy mbola te ho voafatotra.
Nanomboka teo dia lasa fahazaran'i Dr Faby ny nisolosolo vehivavy iarahana;hafa ny androany,hafa koa ny ampitso, ao ireo midofotra ka dia miady sy mifamono mihintsy indraindray.
4 taona no niasany tao Bealana dia lasa nanohy fianarana tany Antananarivo i Dr Faby ka ny resaka fandidiana no nohalalininy tany;roa taona no faharetan'ny fihofanana.Teo @ faha 34 taonany ary dia lasa dokotera mpandidy i Dr Faby.Vao vita io fianarana nataony io dia tany Marovoay no toerana nanendren'ny fanjakana azy.Noraisina t@ fomba manetriketrika mihintsy ny fahatongavany tao Marovoay,ny sefo distrika mihintsy no nanolotra azy ny vahoaka ;tsy nisy mpandidy afa-tsy izy irery no tao ka dia notambatambazina sy najajaina mihintsy ingahy Radoko,izy rahateo moa tena nahay niara-monina t@ olona ary tena nanao t@ fony t@ fanasitranana ny vahoaka tsy mandady harona.Tetsy an-kilany anefa dia nitohy ihany ny filalaovam-behivavy nataony,ireo vehivavy mihintsy moa no mifandritaka te hahazo toerana raha vao nahare fa mbola tsy manambady ingahy mpandidy.Izy tokoa moa ny tovovavy tsy ho taitra raha vao seranan'i Dr Faby.N'y sasany izany aza mody misandoka marary @ izay mba tsapain'i Dokotera.Ao indray ireo tena marary miala any an-trany fa vao mahita an'i Dokotera dia adinony mbamin'ny aretiny;ity tokoa angamba ilay voalazan'ny mpanakanto iray manao hoe "masonao mizaha consultation-naha" ary ny tanana mitsapa kosa no Fanafody.Tsy vitsy ihany koa anefa ireo sorena fa nialan'ny sipany na ny olon-tiany noho i dokotera.Misy mihintsy ireo nangataka azy mba ho esorina tao fa manadala vehivavy fotsiny hono no asany;nefa tsy nahavoa azy izany satria mandeha ara-dalana ny asany.Ny azy tokoa mantsy rehefa miasa dia miasa;tsy nafangarony mihintsy ny asa sy ny fitiavana.
Toa fialam-boly ny an'i DR Faby ny fiarahana @ vehivavy.Maro noho izany ny toloko sy tomany ho an'ireo avy niarahany ka voahilika sy tsy rarahiny fa ataon'ny toy ny olo-tsy fantatra.Tsy nasiany asa aloha anefa ireny toloko sy tomany ireñy, raha misy namana miteny azy ny @ izañy dia tsotra ny amaliany azy,tsy noterena na novozonana izy ireo, ary tsy nisy resaka matotra nifanarahana fa samy nanala azy;ary ny fitiavana koa tsy azo terena,rehefa tsy tiko dia tsoriko fa tsy iatsarako ivelatsia.Ny tena marina tsy nisy fo nitempo fitiavana mihintsy ny azy fa firaisana fotsiny no hilany ireny vehivavy ireny;ka vao lavony indray mandeha eo ambony fandriña hono dia maharikoriko azy;ny dobo tsy hita indray no mahamaniña!
Ny zavatra mahatalanjona anefa dia arakaraky ny mampalaza azy @ izany toetra mampijaly vehivavy izany no mampirodoro ireo tovovavy hanandra hiantsampy eny an-tratran'i Dokotera.Ny an'ny sasany toa tsy finona fotsiny izao,Dr tsara faznahy be sy mihantra olona iny ve ahavita izany;tena mihantra olona sy tsara fanahy rokoa izy raha sehatra asa fa raha fitiavana kosa izy tsy mpanasitrana fa mila sitranina.Ny hafa indray dia ilay toetra tia an-drakandra mihintsy no mandrisika azy;ny an'ny hafa idray dia ilay toetra ratsy nolovantsika t@ ireo razambentsika no manosika azy.Efa raran'ny ray aman-dreny sy ny namana dia vao maika misisika,toy ny nataon'i Adama sy Eva nihinana ilay voankazo nandrarana!Toa aretina raha sainina ny an'i Dr Faby,tsy mahay mahita tovovavy izy fa izay mifanena aminy dia kôtiny avokoa.
Maro ireo tafiditra tao anaty vela-pandriny;ny endrika amam-bika ananany,ny toetra feno fahatsorana arahin'ny tsikitsiky lalandava,ny fahafoizana vola, ny langolango sy ny tambitamby ataony,ny fahaizana moa manginy fotsiny ihany;ireo rehetra ireo no nahadodoka ny tovovavy fa fanamperana ingahy mpandindy.Saingy indrisy fahasambarana nandalo no hita fa ny ratram-po vokany kosa dia hamela holatra tsy ho voafafa mandrakizay.Nanamparan'i Dr faby ny filan-dratsiny avokoa na ny mpiara-miasa, na ny olon-tsotra mpiara-monina aminy,ireny mpanao "stage" izay nandalo tao @ hõpitaly indrindra indrindra no tena lasibany.Tamin'ny tsy misy sakana tsy iarahany @ tovovavy iray raha tsy hoe manambady izy;nalaviriny mafy tokoa ny hiaraka @ vadin'olona eny fa na dia nisarizoro taminy aza ireny dia nandosirany mafy.
Isan'ireo tovovavy nitsiriritra mafy an'i Dr Faby i Sariaka.Tovovavy vao 21 taona monja izy avy any Tsaratanana no fiaviny,mpianatra ho mpampivelona mianatra @ sekoly tsy miankina mpanofana mpitsabo mpanampy sy mpampivelona ao Antananarivo izy.Hanao stage no nandehanan'i Sariaka tany Marovoay ,efa taona fahatelo izy,izany hoe efa hamarana ny fianarany.Efa hanomana ny "memoire-ny" tokoa i Sariaka izao nakany Marovoay izao ,misy rahavavin-dreniny no nipetrahany tany, izany hoe tsy haitraitra no nandehanany fa nisy tanjona notratrariny.Mbola tsy ampy mantsy ny san'ny fampitetahana vitany la izany no nandehanany tany Marovoay mba hameno isa izany mba ahafahany miroso @ "mémoire".Izay no nahatongavany tao @ hôpitaly nisy an'i Dr Faby, telo volana no eritreretiny ho lanina ao. Telovolana izay nitondra fiovana be teo @ fiainany.Vao hiditra tao izy efa nafatrafaran'ilay rahavavin-dreniny momba an'i Dr Faby ,tandremo anaka fa fianarana no alehanao ao, aoka tsy hanalabaraka anay ray aman -dreninao,ataovy tsara ny ahavitana ny fianarana fa ny fitiavana sy ny vady tratra foana.Nanome toky ny nenitoany i Sariaka fa tsy handraraka an-tany ny hanatra sy torolalana omen'izy ireo.
Vao nahita an'i Sariaka tonga tao am-piasana i Dr Faby dia efa namelatra ny fandriny.Ny harivan'ny andro voalohany nanaovan'i Sariaka stage dia nantsoiny tao @ biraony.
-S:Manahoana dokotera?
-F:Manahoana ndry?Sariaka moa ?
-Eny tompoko!Nampiantso ahy hono ianao?
-Ie nampiantso an-dry zah,tsy resaka asa akory fa mba te hiresa-dresaka aminao fotsiny aho !
-Dia resaka inona anefa no ho resahiko @ i Dokotera?
-Mba tiko fantatra ny mombamomba anao,izao aho izao vao niresaka taminao dia hitako fa sariaka mitovy @ anaranao marina ny toetranao,dia mbola tiko ho fantatra koa ohatra inona ny zavatra tinao indrindra sy ny mifanohitra @ ny zavatra halanao indrindra,dia raha mety dia asaiko hiaraka hisakafo amiko any @ restaurant ianao dia any isika manohy ny resaka.
-S:Tena miala tsiny aloha Dokotera fa tena tsy afaka aho raha ny androany fa mbola misy zavatra vonjeko any an-trano.
Tsy misy zavatra atao mihintsy i Sariaka,fa matahotra ny vavam-bahoaka sy ny hafatra natain'i nenitoany azy. Ny tao am-pony anefa dia satriny dia satriny ny hiaraka t@ i Dokotera,toa mahafinaritra azy ny miresaka aminy, toa misy hery hafahafa izany avy ao anatiny ao,izany angamba ny hoe raiki-pitia.Efa nampahafantarina azy anefa ny toetran'ity ankilany ka te hanalavitra azy izy.
-F:Eny ary e,fa rampitso kosa afaka ndry a?
-S:Ao ary fa alaminako ny fotoanako dia rahampitso zany;veloma Dokotera!
-F:Veloma Sariaka,rampitso!
Nanomboka teo dia tsy niala tao an-dohan'i Sariaka ny endrik'i Dokotera,satriny ahita azy foana,toa tsy andriny indray ary ny ahatongvan'ny ampitso;ny alina aza tsy nahita tory mivadibadika teo am-pandriana fotsiny,miandry ny ahatongavan'ny maraina handehanana hanao stage ahitana an'iDokotera.I Dokotera Faby kosa anefa tsy nisy fo nitempo na 1minitra ho an'i Sariaka akory,rehefa tsy afaka i Sariaka dia efa niantso tovovavy iray indray izy niaraka taminy tany @ restaurant.Taminy,efa resaka milamina iny fa tsy maintsy lavony i Sariaka fa fotoana sisa.Tonga ny fotoana andehanana ho any @ restaurant,iny niditra tao anatin'ny fiaran'i Dokotera i Sariaka dia lasa izy ireo.
Tonga tao @ restaurant dia natao ny "commade";teo am-piandrasana ny commande dia nanomboka ny tafa i Dokotera.
-Mahafinaritra ny miresaka @-ndry, sariaka marina,feno tsikitsiky foana ent @ endrikao!
-Toetra efa voajanahary ho ahy io Dr a,sady tsy misy tombontsoa azo @ havona anie, fahavalo aza no azonao.
-Ary tsy mbola novalinao ny fanontaniako hoe inona no zavatra tinao indrindra sy ny halanao indrindra!?
-Hatramizao aloha dia tsy misy tiako mihoatra an'i Dada sy NENY;ary ny zavatra hankahalaiko indrindra dia ny fihatsarambelatsia sy lainga ary fitaka!
-Nga tsy manana olon-tiana i Sariaka ?
-Toa nisy tselatr'afo kely ny tany am-pon'i Sariaka,somary nangina kely izy vao namaly;fa inona no anontanian'i Dr an'izany?
-Ny valinteninao teo la,ny olona iray raha anontaniana dia ny olon-tiany no tonony voalohany .
-Hay ve,mbola tsy nitia olona aho teo @ fiainako!
-F:Hofenoiko telo zany ny zavatra tinao raha sitrakao!
-S:Tsy azoko ny tinao lazaina.
-F:Nilaza ianao mantsy fa zavatra telo no tsy tinao dia ny lainga,fitaka ary fihatsarambelantsia,kanefa ny zavatra tinao roa ihany dia ny Ray aman-dreninao,dia tiko fenona telo raha sitrakao @ izay mba mifandanja ilay zavatra tinao sy halanao!
-S:Dokotera koa mahita tenenina a,@fomba ahoana anefa?
-F:Izaho ilay hilatsaka ho zavatra tinao fahatelo raha mety ianao.
-S:Tsy mazava tsara amiko ny tianao lazaina,fa feno sariteny loatra la!
-F:Izao ary Sariaka aleo tsoriko aminao fa ny andro voalohany nahitako anao no efa nitempo fitiavana ho anao ny foko, ary vao maika niredareda izany rehefa nanomboka niresaka sy nifanerasera taminao aho;ka tsy zakako kobonina ho irery intsony izany!Tia anao aho aky Sariaka a,babo tanteraka ary manantena valiny mahafa-po avy any aminao!
Fahanginana kely no nasetrin'i Sariaka ny tenin'i Dokotera,tsy hitany ny havaly, efa nandrasany ihany ilay izy saingy manahy izy ny @ valinteny omeny, hanaiky matahotra ny ho lalaovin'i Radoko toy ny fanaony ny fitiavany,handa anefa toa matahotra ny hanenina ihany koa ,efa babo tanteraka ny fony ;izay tia marina, adala!
-Nanafintohina anao anga ny teniko no tsy mamaly ianao?Hoy indray i Dokotera nanohy ny teniny.
-Tsy nanafintohina ahy mihintsy ianao,fa tsy nampohiziko ilay resaka nataonao ka tsy hitako izay havaly ,tsy mbola nieritretitra hitia olona iray aho hatramin'izao fa fianarana aloha no mibahana ato an-tsaiko!
Tsy misy mahalala ny am-po tsy miloaka marina isika zanak'olombelona,raha mba fantatrao marina mantsy Dokotera fa fahasambarana ho an'i Sariaka iny segaondra vitsy namborahanao fitiavana taminy iny saingy matahotra ny holalaovinao ny fitiavany no nahatonga azy tsy namaly hatrany fa nangina nisaintsaina izay fanapahan-kevitra ho raisiny.
-Eny e,tsy manery an-dry aho ,fa milaza ny faniriko sy ny vetsovetsom-po;ka anjaran-dry ny mieritreritra,henoy ny fonao !
-Misaotra Dokotera a,tsy nisoeona nilaza ny tao am-ponao fa miala tsiny aho aloha fa tsy afaka ny hanome valinteny anao izao dia izao,omeo fotoana kely aho hisainako,tsy kilalao mantsy izany fitiavana izany amiko,ary izaho efa niteny t@nao fa mbola fianarana aloha no vaindohan-draharahako izao;mampanantena anefa aho fa tsy ela akory dia azonao ny valinteniko ho henoiko arak'izay torohevitrao zay ny foko !
Raha sitrapon'i Sariaka dia novalina teo no ho eo ny fangatahan'i Dr Faby fa mba te hitsapa ny fitiavan'ity olona mahababo azy ity ihany koa izy.
-Omeo toky anefa aho ry Sariaka fa tsy hampiova ny finamanatsika izay ho valinteny omenao ahy eo, tiko hijanona ho mpinamana hatrany isika na tsy ho tia ahy @ fitiavan'olon-droa ianao!
Raha ny tena marina tsy nisy avy am-pon'i Dokotera daholo ireo resany ireo fa eo am-bava fotsiny;efa tetik'ady fambabony vehivavy avokoa ireny,ny odim-pitiam-behivavy mantsy hono dia tambitamby.Rehefa voatambitamby sy voalambolambony mantsy ireo tovovavy dia mihevi-teny fa ilay tokana ho azy marina,nefa indrisy ....
-Aza manahy Dokotera fa mpinamana foana isika raha tsy hoe ianao anga no anilika ahy!
-Sanatria aky,tsy hisy mintsy izany!
Nahafinaritra iny fiaraha-misakafo indray hariva iny,samy velomboly ny roa tonta,ny an'i Sariaka toa sambatra sahady izy na mbola tsy nanome ny valinteniny,efa talihan'io no efa henony ny fony tiny i Dr Faby ary tiny ho azy irery mandrakizay;tetsy andanin'izay dia efa feno fanantenana i Dr Faby fa tsy maintsy ho azony i Sariaka ary izy no ho voaloham-pitiavany saingy tsy iriny ho azy mandrakizay.Toa fitia diso fiantefa ny an'i Sariaka raha ny tena marina,ny an'i Dokotera fitiavana hanimba ny fahadiovany fotsiny no mahamay azy.
Zary fahazaran'izy roa ny mandeha miara-misakafo tany @ restaurant,in-droa isan-kerinandro fara fahakeliny,nanomboka nandeha ny resaka tao am-piasana fa mpifankatia izy roa.Ary izany marina no tena izy,nitia mangina tao am-pony i Sariaka.
Efa iray volana mahery izay no namborahan'i Dokotera Faby ny fitiavany an'i Sariaka,iray volana tsy nahitam-baliny;eo am-pisakafoanana @ restaurant toy ny mahazatra izy ireo no namoha ilay resaka nifanaovana ny andro voalohany niarahana nisakafo.
-F:Sariaka a,omenao tsiny ve aho raha hampatsiahy anao fa misy fampanantenana nomenao ahy,dia ny hmalianao ny vetsovetsom-poko maniry ny ho tiavinao?
-S:Eny ary Dokotera a,atolotro anao ny foko sy ny fitiavako,hainao ny nambabo azy;raiso ka anjakao!
Natohok'i Dr Faby teo @ molotr'i Sariaka ny molony dia nifanoroka izy roa.Iny no oroka voalohany nataon'i Sariaka;oroka vokatry ny fo ;fotoana mamy indrindra teo @ fianany ka voarakitra tao anatiny diary ho zary tantara tsy azo kosehina.
Tsy nitovy fomba fijery anefa izy ireo teo @ fanehoana ny fitiavana,ny an'i Dokotera ny filana ara-nofo no nimatimatesany;i Sariaka kosa nitandro fatratra ny fahadiovany, aminy tsy tokony hisy firaisana raha tsy ao anatin'ny tokantrano.Nanao izay ho hafany ingahy mpandidy t@ tambitamby sy ny fandrika handavona an'i Sariaka saingy tsy nilavo lefona izy na dia mafy taminy aza niaritra ireo fakam-panahy.Niteraka disadisa ho azy ireo izany taty aoriana kely ,samy niziriziry t@ heviny.I Sariaka no nijaly sy horihory tamin'izany satria nanantena fitiavana hitondra hasambarana nefa hazo boboka ity iankinany.Ny an'i Dokotera kosa,tsy alahelo ny azy fa hasosorana @ fandavana ataon'ity voatavo tsy mifandraka kely ity;tsy nampohiziny mihintsy hoe tovovavy toa an'i Sariaka no mba hampifilafila azy, ny mitady toerana aza sakanana fotsiny eo an-tanana.Tsy nanaiky mihintsy koa anefa ny lehilahy fa hanohy ny tolona hatrany, fahafaham-baraka ho azy ny hiaraka @ tovovavy iray ka fiarahana madio fotsiny.

Raha mahaliana anao ny tantara dia araho tsara ny tohiny manomboka eto ary mampanantena aho fa hataoko lavalva @ izay manomboka hariva!
Nanokana fotoana maro tokoa i Dokotera Faby niarahana t@ i Sariaka, entiny hamaboana azy ka hatratrarany ny tanjony.Ny fiarahana misakafo any @ restaurant,famonjena alim-pandihizana,fijerena rindran-kira,famonjena sy fanaovana "karaoke". Alina avokoa no ankamaroan'ireo fotoana ireo;ninian'i Dokotera natao izany mba hahatratra alinabe azy ireo any ka tsy afaka ny hody any an-tranony intsony i Sariaka ka tsy maintsy any aminy no matory ary dia ho mora aminy handresy lahatra azy hanaiky ny filan-dratsiny.Tetsy an-danin'izany dia nanaraka tsy satry ny sitrapon'i Dokotera i Sariaka nohon'ny fitiavany azy;te haneho ny fitiavany @ ity malalany izy ka nanjary nanao ny tsy fanao. Tsy mbola namonjy lanona izany i Sariaka teo @ fiainany talohan'ny nihaonany t@ i Dr Faby indrindra fa andro alina raha tsy lanonam-pianakaviana angamba.Nataony daholo izany na dia tsy vokatry ny fony satria fantany fa rehefa miaraka @ olona iray dia tsy ny sitraponao irery intsony no atao fa tsy maintsy manome fahafaham-po ilay malalanao ianao mba hampilamina ny fiarahana.Nanova ny fiainany tanteraka tokoa ny fiarahany tamin'i Dr Faby;lasa mandainga matetika t@ i nenitoany izy @ ity fivoahana alina matetika ity;rehefa handeha hamonjy lanonana hiaraka @ Dokotera dia milaza fa hanao garde any @ hôpitaly.
Nahomby tokoa ny tetik'i Dokotera, tsy maintsy tany aminy i Sariaka no natory rehefa tratra alina avy any @ lanonana novonjen'izy roa;nefa kosa tsy tratrany ny tanjona,tsy nety niara-natory taminy i Sariaka nitokana fandrina foana.Adihevitra sy fifandresen-dahatra lava ny azy ireo isaky ny tonga ao an-trano.I Dokotera mandresy lahatra hatrany fa isan'ny hanehoan'ny mpifankatia ny fitiavany ny firaisana fandriana sy ny fanaovana firaisana ara-nofo.I Sariaka kosa anefa manda izany hatrany,ekeko ny teninao hoy izy mantsy an'i Dokotera raha ohatra ka efa mpivady ara-dalana isika, amin'izay fotoana izay ary hoy izy dia adidiko mihintsy ny miray fandriana sy ny manolotra ny vatako ho anao. Tsy jerena @ maha fanaka malemy azy i Sariaka fa sahy mijoro @ heviny hatramin'ny ny farany na dia mafy taminy izany satria olombelona nofo aman-dra ihany ny tenany ka mba manana filana.
-F:Fa maninona kosa i Sariaka no miady hitokana fandrina foana rehefa tonga ato an-trano e?
-S:Mba hisoroako antsika ho tafifitra @ fahalotona aky izany malala a!
-F:Tsy matoky ny fitiavako anga ndry ?
-S:Matoky ny fitiavanao tokoa aho fa tiko rehefa vita ny mariazy vao atolotro anao ny fahadiovako tsy misy pentina ka dia ho anao irery mandrakizay!
-F:Sariaka a,imehezan'olona @ izany ianao raha henon'olona izany;efa lamaody fahagola izany mitondra fahadiovana ao anatin'ny tonkantrano izany,na ny tovovavy namanao aza hanaraby anao hoe"olona t@ taonjato raha firy koa ity?".Mila manala azy aloha izay vao miditra @ fanambadiana sao dia ataon'olona tsy ampy "la vie" eo.
-S:Izay fomba fijerin'olona aky malala tsy raharahiko a,fa izay eken'ny saiko no tanterahiko ka mangataka anao raha azo atao mba hanaja ny safidiko!
-F:Eritrereto ihany aloha fa raha maningana ny ataon'ny fiaraha-monina anie ka lazaina adala na sampona e!!!
Tsy afa-nanoatra i Dokotera nanoloana ity zaza bodo kely nefa mafy hatoka;naniry manitra teo am-pitoerana fotsiny izy fa tsy afa-nanendry,nahatsiaro ho nangetaheta teo ambony lakana ny lehilahy.Very hevitra tsy hita ny atao,ho faranana ny fiarahana tsy mety ny sainy, hotohizana anefa amin'ny fomba ahoana?Nanohina ny hambom-pony mafy ny filafilan'i Sariaka,tsy mbola nisy vehivavy niaraka taminy ka nandingana ny herinandro vao hanao firaisana aminy;izao anefa efa iray volana sy tapany mbola hatreo @ horoka ihany no azo.Tsy te hiala maina ny lehilahy ka nitady paikady vaovao;tsapany tsara ny fitiavan'i Sariaka azy,efa maro ny tovovavy nolalaoviny ka hainy ny manavaka ny setroka sy tomany. Fantany fa harary fo sy halahelo i Sariaka raha hisarahany ka io no fitaovana entina hanerena azy ankolaka.Izany hoe rehefa tsy azony t@ tambitamby i Sariaka dia ho tereny hanao firaisana aminy fa raha tsy manaiky dia isarahany.Nanomana fotoana ary izy ilazany io tetik'adiny io tamin'i Sariaka.Asabotsy alina tamin'izay nasainy nisakafo tamin'ilay restaurant fandehanan'izy ireo i Sariaka.
Vita ny sakafo, noraisin'i Dokotera Faby ny tanan'i Sariaka dia norohany ,avy eo nitarika ny resaka izy.
-F:Malala ô,misy zavatra angatahiko @-ndry!!!
-S:Inona aky izay ry malala, fa raha azoko atao sy tanterahina dia omeko tsotra izao!
-F:Azonao tantetahina mihintsy izany,izaho akory tsy mpila voa tsy hary ka hangataka zavatra tsy misy.Izao akia, any amiko ndry matory androany alina dia tsy misaraka fandrina intsony,ny andro koa izao mangatsika dia mba mila mifanafana koa isika.
-S:Tsy mety izany malala a,efa niteny an'ela foana aho fa mbola hanjaka @ io vatako io foana ela fa miaritra kely,izay maharitra anie lesy no vadin'andriana e!
Hatreto dia mbola teny mamy sy tambitamby hatrany no naloaky ny vavan'izy roa ,samy te hampiseho fa tia tokoa.
-F:Tsy tia ahy kosa anga Sariaka?
-S:Tiko tokoa ianao ry Faby;tsy mbola nitia olona aho ary tsy mbola mieritreritra hitia afa-tsy ianao,saingy...
-F:Saingy ahoana Sariaka a?
-S:Raha fanaovana firaisana foana no heverinao fa fanehoam-pitiavana eo @ olon-droa dia voatery hisampana ny lalantsika,eny fa na dia hamela ratra @ andro sisa hiainako rehetra.
F:Eo koa ranga ianao a, tsy ampahafirin'ny sipa tsara sy manja eto an-tanana koa ianao no miseho mamilafila.Sady lasa nirintona i Faby.
Tsy nahateny sy tsy nahetsika teo @ toerany i Sariaka fa ny ranomasony no nikorina nanorika ny tavany,rotika ny fo ;ny voalohany dia nohon'ny latsa nataon'i Faby, ny faharoa dia voatery hamono ilay afom-pitiavana niredareda tao am-pony izy.
Tsy takona afenina ny tao an-trano intsony ny fahorian'i Sariaka;vao niditra ny trano izy dia akory ny hatairan'i Nenitoany nahita ny tavany vonton-dranomaso.
-N:Nanino ianao anaka;misy inona?
-S:Tsy misy n'inona n'inona ry nenitoa a!Sady lasa izy namonjy ny efi-trano fandriany.
Tsy nandry ny sain'i nenitoany ,fa zavatra tsy fataon-janany fa misy antony lehibe izao fa manafina aminy fotsiny i Sariaka.
-N:Sariaka,Sariaka,vohay aho fa misy resaka kely resahiko aminao!
-S:Mandroso nenitoa!Sady namafa ny ranomaso teny @ tavany izy, te hampiseho @ ity solon-dreniny fa tsy manahy izy.
-N:Anaka, fantatro fa misy zavatra mampalahelo mafy ny fonao;ny vahaolana @ ireny anaka dia ny fizarana azy @ hafa mba hanamaivamaivana anao,aza kobonina irery fa izany no mahatonga ny olona sasany manaonao foana.Eto izaho vonona ny hiaino sy hanampy ny zanako, aza matahotra fa tsy hibedy na handatsa an-dry akory aho fa hankahery!
-S:Misaotra nenitoa a;ny voalohateniko dia mifona aminao aho satria tsy nisorona tokoa ianao ny nanatra sy nanorotoro izay lalana tokony hizorako raha vao tonga teto aminao aho.Toa rora lany sy fotoana very fotsiny ny anao fa tsy nohenoiko;izao aho efa solafaka izao vao mitemberina ato an-dohako ireny,indrisy mantsy ry nenitoa raha mba nanaraka ny hanatrao aho tsy hijaly sy hory toy izao.
-N:Sariaka a,aza manamelo-tena ianao fa mpahazo ny olombelona tsirairay ny solafaka,ny zava-dehibe tokony hatao dia fanarenana izay tsy nety ;ka tantarao mazava amiko izay nanjo anao mba ahafahantsika mitady vahaolana miaraka.
Niahotra ihany Sariaka ny hitantara ny marina nadia hitany fa nalefaka sy nitambitamby azy nenitoany;natahotra satria efa nampahatarina azy ny lazaratsin'ity olona nitiaviny.
-S:nisarahan'ny olon-tiko aho nenitoa a,nisarahany fa tsy nanaraka ny sitrapony.
-N:Fa dia inona hono retsy ny sitrapony tsy notanterahanao ka dia nahatonga izao fisarahana izao?
-S:Tsy nanaiky ny hanaovany firaisana aho ka tezitra izy dia lasa sady nanao teny mandratra fo.Sady nifokofoko nitomany indray ilay tovovavy kely resim-pitia.
-N:Mangina izy anaka,avelao any izy,tsy tia anao izy raha izany no handaozany anao.Ny fitiavana tsy azo terena vaimanta toy izany, fa tambitamby sy teny ierana hatrany ny fiainan'ny mpifankatia.
-S:Ka izaho anie mbola tia azy nenitoa e,tsy mety manaiky mihintsy ny saiko hoe nisaraka izahay ary ny foko tsy mety fefena fa mila azy.
-N:Eny anaka tsy mora tokoa ny manadino olona iray notiavina,kanefa izay no lalan'ny fiainana fifandimbiasan'ny fahasambarana sy ny fahoriana!Hijaly tokoa ianao @ voalohany fa ho fafan'ny fotoana tsikelikely izany dia ahita fahasambarana indray any aoriana kely.Ary mino aho fa raha tena fitiavana no nitiavany anao dia mbola ho avy hifona aminao izy.
Tsy nampisinda ny alahelon'i Sariaka ny fampaherezana nataon'i Nenitoany azy;tsy nipizin-tory izy iny alina iny fa nivadibadika teo am-pandriana fotsiny.Nitamberina tao an-tsainy avokoa ny lasan'izy roa,ny horokoroka, ny teny mamy,ny lokalokam-pitia;tafatsiky tsy nahy izy raha mahatsiaro ireny fotoana ireny,nefa vetivety eo mivadika ranomaso izany rehefa mitamberina ao an-tsainy tampoka ny latsalatsa sy teny maharary nataon'i Faby azy.Izany angamba no mahatonga ireny olona lasa adala nohon'ny "déception".Mifangaro voraka ny zavatra tonga ao an-tsain'ilay olona, toa tsy tompin'ny tenany intsony.Marary i Sariaka,tsy marary ara-batana anefa fa ny fo amam-panahy no mila fanasitranana.
Mba nanao ahoana kosa anefa i Dr Faby t@ iny andro iny?
Vinitra dia vinitra tokoa ny lehilahy raha nandao an'i Sariaka teo @ restaurant;tsy nody tany an-trano izy fa avy dia namantana tany an-tranon'i Dr Johnny izay hany tena namany ilazany ny tsiambaratelony.Mbola mipetrapetraka eo an-davarangana maka rivo-drivotra alohan'ny hatory i Dr Johnny no tonga i Dr Faby.
-J:De ahôna baina,fa misy inona no tonga aty alin-dalina ela?
-F:Tsisy n'inona n'inona lesy a, fa sorosorena fotsiny aho dia mila namana mba iresa-dresahana.
-J:Fa inona no nanorisory an'ela tampoka teo e?Niala tany am-piasana ela anikeo falifaly sy miramirana ery fa inona nitranga tany?Zarao hanamaivana an'ela fa izay izao no dianareo eto.
-F:Tsssy,sipa miseho milay.
-j:Fa sipa iza lety e,de miseho milay @ ahoana?
-F:Le Sariakan-doza ty e,sipa bôrbônezy kely ôtran'iny sady tsy bika tsy tarehy no miseho mamilafila.
-J:Ka maninona no tsy isarahana,sipa be dia be eto no mitomany an'ela, adaboy any izy dia vita !
-F:Ka zaho mbola tsy tany anie lesy no tena tsy zakan'ny saiko e.
-J:Ny an'ela izany aretintsaina mihintsy kay. Dia ahoana, inona no fanapaha-kevitr'ela izany?
-F:Za anie efa nisaraka taminy,fa mandreraka ny saiko fotsiny ny mieritreritra azy.Avelao eo lesy ny @ izany fa andao ho any @ "boite" isika sy ela mba hanala azy kely.
Dia lasa izy roa lahy nandeha ;tena nanala azy marina,nisotro, nandihy ary tsy nody raha tsy t@ 4 maraina sady mamo. Mbola samy mpitovo moa izy roa lahy ka dia tsy nisy nanakan-tsakana fa nanao izay tiany nataony.
Tsy nivoaka ny trano i Sariaka ny ampitso alahady, hadinony mbamin'ny fiderana ilay nahary,nanjombona ny tontolony, toa nankahala ny fisiany izy,naninona ary aho hoy izy anakam-po no hary raha hijaly toy izao.Na izany aza anefa dia mbola nahatsiaro niantso ilay Ray mangina tao am-pony ihany izany;notazainy t@ fivavahana fony fahazaza izy,ary manaiky ny fandaharan'Andriamanitra.Toy izao ny vavaka mangina nataony tao an-trano:"raha sitrakao Ray ô,esory amiko ity kapoaka mangidy ity, nefa aoka tsy ny sitrapoko no tanterahina fa ny sitraponao ;ianao no mahalala izay ahasoa ahy ka apetrako eo ambany fiahianao ny fianako ankehitriny sy ny hoavy ;amen!"
Rehefa avy nametraka ny fiainany teo am-pelatanan'Andriamanitra i Sariaka dia nandray ny findainy nandefa hafatra:"Antenaiko fa salama vatana sy fanahy ianao eo am-pandraisana ity hafatro ity ary izay ihany koa no faniriako ho anao hatrany,miala tsiny aho raha niteraka fahasorenana ho anao ny fiarahana tamiko,fomba fijery tsy nitovy ny antsika;mbola averiko aminao anefa fa tiko ianao;na izany aza anefa tsy manery anao hiverina amiko aho satria ny fitiavana tsy azo terena fa ny angatahiko aminao, aza iavonana aho eny e raha azonao atao aoka tsy ho ravana ny finamana;veloma mandra-pihaona ry malala tsy foiko nefa tsy ho ahy hoy ilay fo torotoro iray!"
I Dokotera Faby koa tsy nahavoaka ny trano iny alahady maraina iny,tsy noho ny alahelo an'i Sariaka anefa fa nohon'ny harerahana ny alina,"makafoka" no fitenin-jatovo ilazana azy.Tsy niala teo am-pandriana izy iny tapany maraina iny ;ny feon'ny findainy naneno no nampisokatra kely ny masony,tsy antso ilay izy fa hafatra.Nojereny ny findainy vao hitany fa Sariaka no mpandefa ilay hafatra dia tsy novakiny fa novonoiny ny findainy.Afaka 10minitra anefa dia nieritraritra kely indray izy saody anefa mba hanaiky indray izy fa aleo aloha vakina ihany izay lazainy ao fa sao hanenena eo, lasan-dry zalahy eo ny entana raha vao ratsy tantana(ny entana koa mbola d'origine).
Nosokafana ny finday, novakiny ny hafatra,vao maika lagy i Dr Faby;ty ve sipa mitapy e,namana a namana ,lety e sssh;sady novonoiny indray ny findainy sao dia miantso eo iny kiala ratsy iny hoy izy an'eritreritra.
I Sariaka kosa ary maminanavina izay ho mety fihetsik'ity malalany nandray ny hafany,ho faly ve izy sa ho tezitra. Niandriandry ihany izy iny tontolo andro iny sao dia hisy valiny ny hafatra nalefany na koa mba hiantso azy ity malalany tsy foiny nefa tsy nitempo fitiavana ho azy mihintsy na dia 1 segaondra aza.
Ny alatsinainy dia tsy tonga nanao "stage" i Sariaka narary azy mafy ny lohany nohon'ny torimaso tsy nisy efa in-droa alina sady tsy mbola te ahita ny tavan'i Dr Faby izy. Te hankahala azy izy ,mety ny sainy fa ny fony kosa manda fa tsy afaka kosehina fa efa voasoratra ao anatin'ny diarim-pony i Faby.Tany am-piasana dia nanontany tena ihany i Dokotera Faby ny anton'ny tsy nahatongavan'i Sariaka tany am-piasana;marary ve sa tsy te ahita ny tavako?Raha marary anefa, tsy ho aty ve anefa no andehanany?Toa mba niasa saina ingahy mpandidy;misy fo mitempo ve sa mba vinany lasalasa fotsiny?
Lasa ny alatsinainy,talata, efa alarobia ny andro tsy mbola tonga nanao "stage" ihany i Sariaka;gaga i Dr Faby fa misy inona ary hoy izy.Noraisiny ny findainy, nantsoiny i Sariaka,tsy nisy nandray anefa ny antsony.Naveriny fanindroany,fanitelony vao nisy nandray.
-S:Allô!
-F:Allô,manahoana i Sariaka?
-S:Salama tompoko!
-F:Nanomboka oviana indray ity tompoko tompoko ity?
-S:Nanomboka ny nandaozanao ahy teny @ restaurant!
-F:Fa maninona ianao no tsy hary nanao "stage" efa telo andro androany izay?
-S:Ho inonao moa aho raha tsy anao "stage",angamba efa samy manana ny lalantsika isika izao ka tsy hitako izay idiranao @ fiainako,izay tiko ihany io!?Izay fa maika hanao zavatra, veloma ianao!Dia notapahiny ny antso.
Namerina niantso indray i Dokotera Faby.
-S:Fa mbola misy inona?Masiaka dia masiaka ny fiteniny.
-F:Mba te hanontany ny fahasalamano,sady hamaly ny hafatrao t@ alahady iny dia ny mba hijanonantsika ho mpinamana foana na dia teo aza ny fisarahana.
-S:Voalohany indrindra dia salama tsara aho raha tinao ho fantatra;faharoa raha mikasika ny finamanana dia aleo faranana ihany koa,efa niezaka ny nanadino anao aho ka efa sitrana ny foko,tsy te hikasikasika ny momba anao intsony aho na ny anaranao aza efa nofafako tato anatin'ny findaiko.
Teo imolotra fotsiny io tenin'i Sariaka io fa ny avy am-pony mila tanteraka an'i Dokotera Faby izy.I Faby no izao tontolo izao aminy.Vao avy nanapaka ny antso nataon'i Dr Faby izy dia namonjy teo ambony fandriana sady nigogogo nitomany.Raha mba fantatra mantsy ry Faby fa mila anao tokoa aho kanefa tsy maintsy tapahiko ny fifandraisana aminao fa mety hahela sitrana ilay ratra ato anatiko.Tsy maintsy manadinono anao aho ry Faby malala na dia tsy sitrako aza.
Tsy niala tao an-dohan'i Dr Faby indray i Sariaka,fitiavana sa fitserana;tsy hay intsony, fa na izy tompony aza tsy mahafantatra izay tena ao am-pony.
Tsy nielingelina tany @ hôpitaly intsony i Sariaka,efa ho herinandro izay,tsy te hifanena @ Dr Faby,tsy te hamoa fota-mandry intsony, nifantoka tanteraka @ fanomanana ny "soutenance"-ny izy;efa tratrany rahateo ny isan'ny fampiterahana notakina taminy mba ahafahany miroso @ "mémoire".Nanontany azy ny Nenitoany @ izao tsy fandehanany any @ "stage" izao sao dia hisy fiantraikany @ naotiny;nazavainy tsara fa tsy stage toy ny mahazatra intsony ny azy "fa stage de performance".Izany hoe misy zavatra tina halalinina kely fotsiny ao,ka tsy misy fotoana voafaritra be fa miankina @ fahatratrarana ny tanjona kendrena,efa azoko anefa io hoy izy t@ i nenitoany fa tsy misy atahorana.Sady raha ny marina dia herinandro sisa dia tapitra koa ilay telovolana nokasainy hanaovana ny "stage" tao Marovoay.Nitodi-doha any Antananarivo tanteraka ny tovovavy;tsy tamana tao Marovoay intsony izy fa noho i Nenitoany fotsiny sisa no hamitany ilay telovolana efa napetraka tany amboalohany.Te hiova rivotra vaovao sy pejy vaovao mihintsy izy,nefa zary diary tsy hay rovitina ao am-pony iny fandalovana tany Marovoay iny.Tany no nampifoha ny fitiavany,tao ihany koa no nahatsapany tena fahasambarany nefa nigohany ihany koa ny farany mangidy tsy laitra atelina rehefa diso fiantefa ny fitiavany.
Nihezaka niantso an'i Sariaka foana i Dr Faby isan'andro nandritra io fotoana tsy nahitana an'ity voalohany tany @ hôpitaly.Izay antso natao tsy nisy nahazo azy.Nindrana findain'olona hafa izy fa sao dia dia izaho no nataony "liste noire" hoy ingahy mpandidy anankam-po;nefa i Kotozafy ihany no Alexis, tsy nisy nahazo ireny antso rehetra natao ireny.Tapa-kevitra ny lehilahy fa hitsidika an'i Sariaka any an-trano fa te ahita azy, te hiresaka aminy ny tena marina.Vao nanao haody izy dia i Nenitoan'i Sariaka no nitsena azy teo am-bavahady.
-N:Ahoana ny anao izay Ramose ?
-F:Salama tompoko,i Dr Faby saika mba hitady an'i Ramatoakely Sariaka tompoko!
-N:Tsy eo izy Dr a, vao lasa novoaka any izy fa tsy haiko izay nalehany.
-F:Ary tsy misy laharana ahazoana azy ve fa ilay laharan'ny findainy nomeny anay iny toa tsy mandeha mihintsy.
-N:Tsisy tompoko fa iny ihany no fantatray.
-F:Eny ary tompoko fa hangata-dalana aho,mba lazao azy fa nitady azy teto aho ary mba azony atao mba asaivo miantso ahy raha mba azony atao, ity ny kaharako indraindray tsy misy any aminy...Misaotra mialoha tompoko!
-N:Matokisa ianao fa ataoko tsara lazaina any aminy izany.
Voatery nandainga i Nenitoan'i Sariaka,tao an-trano mihintsy i Sariaka t@ io fotoana io ary henony mbamin'ny resaka nifanavan'izy roa fa resaka vita lamina ny azy mianaka.Nalahelo an-janany loatra i Nenitoa Rafara ka notanterahiny ny sitrapony sy izay rehetra nilainy raha izay no mba hanamaivamaivana ny fahorian-janany.Efa namohy ny olin-tiany i Ramatoa Rafara ka mahatsapa ny halehiben'ny fahorian'i Sariaka saingy fitia lamban'akoho ny azy ireo ka faty no nisarahany.Nanomboka ny nahafaty ny vadiny dia namohy fo tantetaka ramatoa Rafara,ireo zanany roa sisa no anto-pivelomany.Niontana iray ihany ny fon'i Sariaka nahare ny feon'i Dr Faby;nony lasa ity tiany nefa tsy tiany ho hita intsony dia tsy nahitan-teny izy tao an-trano;lasalasa indray ny vinaniny,mba inona ary hoy izy an'eritreritra .Efa fantan'i Ramatoa Rafara ny fahorin-janany, ka nanao resaka mampomehy sy mahatsikaky izy tao an-trano dia nisinda kely indray ny raho-mainty nanaloka an'ity tovovavy resim-pitiavana.
Nosimbatin'i Sariaka tanteraka mihintsy ny "puce"-ny misy ny laharana finday ahanfantaran'i Dr Faby azy, izany no tsy nazahoana antso azy intsony.I Dr Faby kosa mbola niandry sy nanantena fa tsy maintsy mbola hiantso i Sariaka satria efa nanome laharana an'i Ramatoa Rafara izy;mbola entin'ny fo ranomafana fotsiny iny hoy izy an'eritreritra fa tsy maintsy mbola hitady ahy eo rehefa tonitony ny alahelony;tsapany loatra mantsy ny fitiavan'i Sariaka azy.
Nandeha ihany anefa ny fotoana efa ho 2 herinandro no lasa, tsy hary niantso, tsy hary hita i Sariaka;nanomboka niahiahy an'eritreritra i Dr Faby mety misy "bandy" hafa mahavarina azy kosa angamba any?Nefa dia ho vitany ve ny hanadino ahy ao anatin'ny fotoana fohy;raha zavatra nataoko azy kosa ve tsy ampy hanamora ny fanadinony ahy? Ireo indray no fanontaniana nipetraka tao an-tsainy,nanapa-kevitra ary ingahy mpandidy fa hitsidika an' Sariaka any an-trano indray ny alahady hariva ho avy fa izay izy no manana fotoana malalaka ahafantarany izay zava-misy marina.Mbola alakamisy anefa ny andro @ izao fotoana mampanembonembona azy izao;toa nahatsapa nisy fitiavana kely an'i Sariaka ny tenany,nanenina ny fihetsika nataony izy.
Ny ampitson'iny dia tsy nampohizin'i Dr Faby ny zavatra niseho,tonga tany am-piasana i Sariaka t@ 3ora tolakandro,akory ny hafaliany raha nahatazana azy;efa nisinda angamba ny alahelony ka handeha hiresaka amiko @ izay izy.Nandroso tao @ biraony tokoa i Sariaka.
-S:Manahoana Dokotera?
-F:Salama tsara fa i Sariaka no manao ahoana;voarainao ve ny hafatra napetrako t@ nenitoanao,niantso anao foana aho mantsy fa tsy tratra antso ianao!?
-S:Azafady Dr fa resaka asa no ahatongavako eto, miangavy anao aho tsy hanisy resaka ny momba antsika;hanao veloma anao aho toy ireo mpiasa rehetra t@ fandraisanareo ahy sy ny fanampiana t@ "stage" nataoko;efa hody rahampitso ka izay no nahatongavako aty hanao veloma anareo rehetra!
-S:Sariaka a,dia ahoana ny amintsika?
-S:Efa nofarananao iny Faby a,aza fohazina intsony ny fota-mandry;fitia diso fiantefa ny ahy ka nampihononoko miandry izay tena mila azy indray izy vao fohaziko!
-F:Sariaka a ,mifona aminao aho, tena tsy nety ny nataoko, teneno izay tinao ataoko fa ho tanterahiko,mila anao aho ;izao vao tsapako fa tia anao aho!
-S:Voaray ny fifonanao Andriamatoa, tsy manana alahelo na kely aminao aho, ny fitiavana tsy raikitra tsy atao haharatsy fihavanana ;kanefa raha tena tia ahy marina ianao dia aza alainao fanahy intsony, efa manomboka manakom-pery ilay ratram-poko noho ianao dia aza tohininy indray fa mety ratsy kokoa nohon'ny teo aloha no ho vokany;fantatrao tsara fa tia anao fa ny fitiavanao kosa no tsy mendrika ahy,ka noho izany avelao aho sy ratram-poko.Inoako fa ho sitrana tsikelikely eny ihany aho rehefa mandeha ny fotoana;veloma ianao ry tsy foiko nefa tsy natao ho ahy!Sady nilatsaka ny ranomasony no nitsangana handeha izy.
Nosintonin'i Faby haingana ny tanany.
-F:Sariaka a,ifonana aky a,izaho no tsy mendrika ny fitiavanao;nentin'ny fitiavantena aho ka nanao tsinontsinona ilay fitiavana sarobidy natolotrao ahy,raha sitrakao dia mamela ahy ianao hanonitra ny fahadisoako ka hanome izay tsara indrindra ato amiko ihany koa!
-S:Efa tsy mety ry Faby a,efa nidinao ny varavaran'ny foko,fitiavana tsy misy pentina no natolotro fa nolavinao,ankehitriny efa mibanjina ny hoaviko aho ka aza helingeleninao intsony ny saiko.
-F:Eny e,ekeko fa mbola marary ny fonao,omeko fotoana ianao hisainana;tsarovy fa misy fo iray mitempo ho anao aty,ny angatahiko aminao mba omeo ny laharan'ny findainao aho mba ahafahako miresaka aminao.
-S:Tsy manana laharana omena anao aho,sady adinoy aho sy ny fitiavako fa tsy hahasoa anao.Dia lasa izy nivoaka ny varavarana.
Nanjombona ho azy roa iny faran'ny herinandro iny.Nanaingy ho any Antananarivo ny fiara nitondra an'i Sariaka,natao veloma i Marovoay ilay tanana nametraka fahatsiarovana ho azy teo @ sehatry ny fitiavana;teny an-dalana dia tsiahy ny fiarahan'izy sy Dr Faby no sary nameno ny lohany.
I Dr Faby kosa toa nalain-daina,tsy nisy nanjary ny zavatra nataony,nahatsiaro ho nisy banga ny fiainany.Na ny mpiara-miasa aza nifampitakorotsika fa niovabe ny fihetsik'ingahy mpandidy,tsy nahitan-teny firy, tsy hita intsony ilay tsikitsiky sy sangisangy fanaony;nisy inona ary hoy izy ireo nifanontany?Tsy nisy nahalala ny fiainany moa raha tsy i Dr Johnny ;nontantarainy an'ity namany ity indray ny resaka nifanaovany t@ i Sariaka sy ny alahelony an'ity ondry botry natositosiny teo aloha.Eh,raiki-pitia ela zany hoy i Dr Johnny nanaraby azy,ka iny ve tsy efa lasan'ny bandy vao tonga tany;raha fitiavana no nandratra azy dia tsy maintsy fitiavana koa no hahasitrana azy.Aza mandatsa letsy a,teny fampihononana no ilaina amin'ela izao @ maha namana fa tsy hamendrofendro indray.Eny ary Rafaby a,mahaiza mihonona e,raha sipa iray no tsy tia, mihinana varin'i Marovoay hatavy!Tssssh lety e,mbola hanihany ihany ve lesy no ataon'ela,tena efa resaka matotra anie no resahiko an'ela;tsy mbola nahatsiaro nitempo fitiavana t@ vehivavy aho raha tsy indray mitoraka ity.Tsy tena nampino an'i Dr Johnny ny rediredin'ity namany satria maro loatra ny vehivavy tsara sy manja nolalaoviny nefa tsisy nasiany sira ;ka ity Sariaka izay tsy dia mankaiza ity ve no hampivadika ati-doha azy?Ny dobo tsy hita ihany anga no maha manina azy,na dia izaho tsy mahazaka sipa ity aza tsy mba tara @ i Sariaka hoy i Dr Johnny an'eritreritra
Nikisaka teny ny andro sy ny alina,feno iray volana no nandaozan'i Sariaka ny tananan'i Marovoay,efa nisindasinda kely ny fahoriany;variana tamin'ny fanomanana ny bokiny koa izy ka verivery dia.
I Dokotera Faby no nanjary nanembonembona isan'andro;tsy niala tao ambany ondany ny sarin'i Sariaka fa nisy sary nomen'ity farany fony izy ireo mbola nilamina.Io sary io no maty horoka sy iresahany irery tao an-trano.Indraindray dia mihezaka hanadino an'i Sariaka ka te hiverina @ maha Faby mpilalao vehivavy nefa tsy nahatsiaro sambatra izy fa vao mipetra-drery dia lasa ilay vinany tsy hay fefena hamoha ny fahatsiarovana an'i Sariaka.Nanjary fantan'ny mpiara-miasa rehetra io fitiavan'i Dr Faby an'ity zanak'i Tsaratanana ity satria tsy tahotra sy henatra mihintsy izy no milaza @ izy ireo fa ngôma an'i Sariaka izy. Tsy nampino ny be sy ny maro izany t@ voalohany kanefa raha nahita ny fihetsiny izy ireo taty aoriana kely dia resy lahatra saingy betsaka no nieritreritra fa hazon'ody i Dr Faby fa tsy tena nahim-pony izany.

Izany tokoa ve ny tena marina?Mba lazao ao @ commentaire ny vinavinantsika mpamaky.Mankasitraka mialoha!

MBOLA HITOHY.....